Ta’ang miphun hriamtlai TNLA nih Shan ramkulh Chaklei ah a ummi Kutkai khua cu nizan January 7 ah tlamtling tein an laak khawh cang, tiah tualchung thawngzamhnak Shwe Phee Myay News Agency nih a ṭial.
Kutkai khua cu abiapi ngai mi Myanmar-Tuluk chawlehthalnak lampi (National Highway 3) cung ah a um i, Lasho he meng 14 hrawng lawng a hlaatnak ah a um mi a si.
TNLA nih December 31 thawk khan Kutkai khuachung SAC ralkap le palik sakhaan pawl tukdoh hram an rak thawk i, nizan January 7, zaan sml. 7:00 hrawng ah a khua ning in tlamtling tein an laak khawh.
TNLA nih a nung in an tlaih mi minung 9 le anmah tein hriam a chiami zong an um nain an milu fiang in theih a si rih lo, tiah Shwe Phee Myay News Agency nih a langhter.
Kutkai khua hi TNLA nih a pasarihnak khua an laak mi a si. October 27 in December 2023 caan chung ah TNLA nih Shanram Chaklei ah khua 6 an rak laak cang.
