Ta’ang (Palaung) miphun hriamtlai TNLA nih Shanram chaklei Kyaukme khua an laak hnu ah SAC ralkap thawngpang a petu dalan le mifir 180 an tlaih hna, tiah theih a si.
Tlaih mi 180 lak ah SAC thawngpetu dalan 16 le nu 12 zong an i tel bang in khuami ral an zaam karlak ah Kyaukme khua inn pawl a bohtu mifir pawl le rithaisii a tawngtham mi pawl zong an i tel, tiah nihin July 11 ah TNLA nih theihternak a tuah.
An tlaih mi hna cu sualnak an tuah mi he aa tlak in phungning in dantat an si lai, tiah TNLA nih a langhter.
June 25 thawk khan TNLA nih Kyaukme khua i SAC ralkap sakhaan pawl cu doh hram a thawk i atu ah cun Kyaukme khua cu TNLA nih a control khawh a cang.
Asinain, Kyaukme khua hriang lei ah a um mi SAC ralkap sakhaan Kha La Ya (501) le (502) hi an taan rih TNLA nih pehzul in a doh cuahmah, tiah theih a si.
