Taingen SAC ralkap sakhaan laak kahdohnak lio ah a nunnak a liam mi le hliamhma a pu mi Chin ralkap hna cu NUG tang ah a um mi “Ministry of Humanitation Affairs and Disaster Management” nih bawmhnak a pek hna, tiah theih a si.
Taingen SAC ralkap sakhaan cu January 16 ah CNA, CDF CDM-Siyin, CDF, Hualngoram, CDF-Zanniatram, CDF-Thantlang, CDF-Hakha le PDF nih an rak laak khawh i, cu kahdohnak ah cun Chin miphun hriamtlai in minung 12 an nunnak a liam i, minung 2 hliamhma an pu.
A nunnak a liam mi minung 12 le a kee bul mi minung pahnih ca ah NUG nih 1,300,000 MMK bawmhnak a pek, tiah CDF CDM-Siyin nih a langhter.
Taingen kahdohnak ah a nunnak a liam mi le hliam a pu mi hna ca ah “Ministry of Humanitation Affairs and Disaster Management” nih bawmhnak a pek hna mi cung ah CDF CDM-Siyin nih lunglawmhnak zong an langhter.
