2024 March 21 ah a hraang mi thlichia nih Kanpetlet peng ah inn 674 a hrawh tiah Kanpetlet Peng Zapi Ukhruainak Bu nih nihin March 24 ah a thanh.
Inn a rawk mi chung ah inn 25 cu a thar sak ṭhan hau in an rawk i khuami hmapu tlawmpal zong an um tiah theih a si.
Thlichia nih Biakinn, sianginn, sii-inn, minung khuasaknak inn le thlaam a hrawh hna, thlungkhuh a leh hna i a cheu cu an cim. Thingkung an tlu i lam an phih tiah thawngthanhnak ah an langhter.
A rawkralmi pawl sersiam ṭhan nakding kan i zuam cuahmah i, rammi le bu hna zong nih hartong hna bawmhchanhnak ah ti khawh tawk thazaang chuah cio ding zong Kanpetlet Peng Mizapi Ukhruainak Bu nih forhfialnak an ṭialchih.
Photo: Kanpetlet Peng Zapi Ukhruainak Bu
