Nizaan March 21 ah Kanpetlet peng zong ah thlichia a hrang, ruah a faak i inn 120 hrawnghrang a hrawh, tiah theih a si.
Abikin, Kanpetlet peng, Myoma ti mi hmunram ah thlichia le ruah a faak khun i inn tampi an rawh pin ah innzuat satial a thi mi zong an um.
A rawkral mi inn lak ah biakinn le sianginn zong an i tel i, aa khawngdeng mi an um le um lo fiang in theih a si lo.
Mindat peng chung zong ah thlichia le ruah a faak ngaingai i, inn, biakinn le sianginn 200 leng an rawh pin ah thingkung a tlu mi nih lam a phihnak tete zong an um, tiah Mindat peng ukhruaitu bu nih theihternak an tuah ve.
