2020 August 5 i thlichia a hrang mi ruang ah Falam Peng, Laizawl khua, Palte khua le Auhmun khua mi hna nih an tuah mi Fangvoi lo acre 44.5 cu a rawk dih tiah Falam Peng, Penguk Zung Lutlai Pu Ca Awi sin in kan theih.
Hi kong he pehtlai in Falam Peng, Penguk Zung Lutlai Pu Ca Awi nih, “August 5 zinglei suimilaam 7:00 hrawng ahkhan fak ngai in thli a hrang. Hi thlihrannak nih Laizawl khua i lothlo hna nih an tuah mi fangvoi lo acre 44.5 hrawng a rawk. An cinthlak mi zong a rawk pah ngai. Hi bantuk in an ton ca ah kanmah leikap zong nih Cozah sin ah ca cu kan tialpiak ve hna i zeitindah an tawlrelpiak hna lai ti cu kan theih lo,” tiah The Hakha Post ah a chim.
Lo a rawk mi hi Laizawl, Palte le Au hmun khuami minung 33 nih an tuah mi lo a si i, a tangka fang in 2,480,000 man a si tiah Laizawl khuabawi sin in kan theih.
