Tu zaan Thlang Korea ram, Seoul khualipi Halloween puai an tuahnak Itaewon hmun lam pakhat ah mibu cu teet taktak in an i pah, hmaifon an i cuh caah mibu an puur, an i nenh i minung tampi cu an thaw a phih hna ca ah an thi tiah Daily Mail nih a langhter.
Seoul khua zapi dinhhmun a si mi Itaewon ah atu bantuk thil a can hi a si i mibupi cu hmakhat te ah hmailei fon cuh in le teet taktak in an i pah ca ah a si tiah media tampi nih an langhter.
Minung 50 hrawng an lungtor a dai i a dang mi tampi an thi tiah thawngzamh pawl nih an langhter.
Chanhchuah tu le tuanvo ngei 400 leng nih a lungtor a dai mi pawl cu lakhruak mizaw thlop ning in an thlop cuahmah mi hna video ah hmuh khawh a si.
Minung zeizat dah an thi ti mi cu tuanvo ngei nih an langhter rih lo.
Ref.: Daily-Mail
