Chin Defense Force – Mindat nih thlakhat chung ah SAC ralhraang he voi 5 kan i kap i, SAC ralhraang lei in 4 an thi, 9 hma an pu tiah an thanh.
Cu kahdohnak ah cun Chin Defence Force – Mindat lei in minung pakhat nih ram le miphun caah a nunnak a pek tiah an langhter.
Mindat College pawng ah umhmun khuar SAC ralhrang pawl cu CDF-Mindat nih September 13 an va kah hna. Cu i kahnak ah cun CDF Mindat lei in pakhat nunnak a liam, pakhat hliam a tuar. SAC ralhraang nih sualnak ngei lo Mindat khuachung mi minung 60 an tlaih hna. Minung 50 an thlah than hna nain 10 an hren rih hna ti zong an langhter.
September 29 ah SAC ralhraang nih Mindat khuachung ah hriamngan an kah caah ngakchia pahnih nih hliam an tuar tiah an tial.
