2023 January in September tiang Karen National Union (KNU) ukhruainak ram chung ah kahdohnak voi 3500 leng a chuak tiah KNU nih nihin ah a thanh.
KNLA, KNDO le Nawlngeihnak chuttu SAC ralkap pawl kar ah kahdohnak voi 3570 a chuak i SAC ah lei ralbawi tel in 3,865 an thi, 2,260 hma an pu tiah an langhter.
Cu kahdohnak pawl ah cun KNLA le KNDO in 112 nunnak a liam i 399 hma an pu.
KNU ram chung ah KNLA, KNDO ralkap hna le PDF pawl i bawm in SAC ralhraang an doh hna. KNU ram chung ah Brigade le District pasarih an um i cu hna lakah Brigade-5 Hpapun District, Brigade -6 Dooplaya District, Brigade – 3 Nyaunglebin District le Brigade – 1 Thaton District deuh ah hin kahdohnak hi a chuak tiah theih a si.
Hmanthlak: Cobra Column (Kan hnu thla Karen ramkulh kahdohnak ah laak mi SAC hriamnam cheukhat)
