January thla khat chung ah SAC ralhraang pawl nih KNU Brigade-5 le Brigade-6 hmun chung ah vanlawng in voi 60 deng kahdohnak a tuah i bomb a thlak tiah KNU nih a thanh.
Ralhraang nih raltuknak vanlawng le helicopter a hman i cunglei in bomb 200 leng a thlak tiah a thanh. Cu kahdohnak a tuah mi ah cun rammi 13 an thi i cu chung ah Pastor, nu le ngakchia zong an i tel. A dang minung 9 nak tlawn lo hma an pu tiah a langhter.
Cu brigade pahnih a kahnak ah inn 30 leng a kaang i inn 24 a rawk. Sianginn 2, Biakinn 4, Phungki inn 2, inn pali a um mi sii-inn pakhat zong a rawkchih tiah theih a si.
########
