2024 September le October thla hnih chung ah SAC ralkap le palek 49 cu rammi rungvengtu ralkap hna sinah an i ap tiah NUG, Runvennak Minister Zung nih nihin ah a thanh.
Cu chung ah cun Captain rank ralkap pali le Bo hnih rank palek pahnih an i tel i, nawlngeihnak chuttu ralkap council kal taak in rammi lei ah an rak i fon tiah an langhter.
A rak i ap mi chung ah hriamnam aa ken mi hna cu an hriamnam man tuak in Runvennak Minister Zung nih laksawng tangka an pek hna.
Rammi lei ah a rak i ap mi hna nih thla hnih chung ah meithal zun 17 le kuanzen pawl an rak i chuahpi. Thla hnih chung ah SAC ralkap 36 le palek 13 an rak i ap tiah NUG, Runvennak Minister Zung in theih a si.
