A luan cia thla 6 chung ah India nih Ralhraang Council SAC sin ah Dollar nuai 5 man hriamnam le kuanzen a zuarh tiah Justice For Myanmar (JFM) nih a thanh.
India Cozah ta a si mi Bharat Electronics Limited Company (BEL) nih Myanmar Ralhraang Council sin ah 2022 November in 2023 April tiang, thla 6 chung ah ralkap lei he aa pehtlai mi thilri le thiamnak pawl a zuarh tiah JFM nih a chim.
India nih a zuarh mi thilri chung ah radio le radar thilri pawl, raal ram hman mi pehtlaihnak seh pawl an i tel. Cu leeng ah, Submarine le raltuknak tilawng he pehtlai in a biapi mi ca pawl zong India nih Ralkap council sin ah a kuat tiah a langhter.
India Cozah company nih ralhraang phu sin ah hriamnam voi sarih a kuat. Voi thum cu anmah ralhraang phu sinah a kuat i a taang mi cu ralhraang he aa pehtlai mi company pawl sin in a kuat mi an si.
