THE HAKHA POST TUANBIA TAWI LE RIANTUANTU HNA
The Hakha Post cu 2012 January 14 thawk in Chin Ramkulh Khualipi Hakha khua hrambunh in Chinholh (Laiholh) in chuah mi Thawngzamhca a si. Zeibantuk phu le uknak tang hmanh ah a um lo, mahte a zalong mi (Independent Chin Local Media) a si. Minung pumpaak pakhat lawng nih ngeih mi le hruai mi a si lo.
Myanmar ram Cozah nih theihpi mi (Reg. No. 00138) media a si. Biapi in tinh mi pathum a ngei. Cu hna cu;
(1). Kan caholh, kan nunphung le kan bia kan hla kilven le thanchoter ding
(2). Chan he aa tlaak mi media rian in Chin miphun thanchoter ding
(3). Vawlei cung hmun kip ah aa thek mi Chin miphun pehtlaih le funtomter ding
Independent Chin Local Media pakhat dirhmun in Chin Ramkulh Cozah le a dang riantuannak pawl a langhter mi cung ah Chin Ramkulh Cozah nih a duh lo ca ah 2014 kum ah thla hnih chung a rak phih.
Myanmar Ralkap nih uknak hramhram in an laak hnu 2021 April 3 ah The Hakha Post Zung cu ralkap le palek 50 hrawng nih hriamnam he an kan luh hnawh i computer cheukhat, thilri le zung file pawl an laak. Riantuantu hna cu a hlankan in kan i ralrin ca ah kan zaam manh.
