Thawngtha hlasatu (Gospel singer) Leeng Iang Len Sung nih Mizo hla fung khat “I Tap thawm ah” ti mi Mizo hla cover ah a sak mi cu youtube ah 1.9 million views a phanh ca ah Mizo Top !0 Gospel song chung ah a vun i telnak a si.
Hi, “I tap thawm ah” ti mi hla hi, 2019 September 1 ah Mizo Top 10 Gospel song ti mi youtube ah ka thlah mi a rak si. Ka hlasak mi poh cu kaa lunghmuih dih ko hna. Ka chuah cia mi le chuah ka timh than mi zong ah hin Mizo hla fung 6 an i tel lai. Tu hnu zong ah sak thluahmah kaa tim,” tiin The Hakha Post ah a chim.
Hi bantuk hin kum khat voi khat Gospel hla sak mi chung in view a tambik le an uar bik hla kha thim a si tawn i tukum zong ah views tam bik 10 thimmi ah Leng Iang Len Sung hi aa telnak a hung si.
Kum 2020 Mizo Gospel song,Top 10 hna cu;
1.Vanlalsailova : “Thinlung a thlir zawk” 2. Bethsy : “Min hmangaih” 3. TBC Zaithanpuia : “Van Hmun Ropui” 4. Vanlalsailova : “Hahchawlhna” 5. Besthsy, Pensy, Temi Sailo : “Mamawh chhanna Lai Isua” 6. Zoremi, Ruth, Tete : “Harhna ropui” 7. Vanlalsailova : “I lam ah a tang Lalpa” 8. Melody for Christ : “Amen ka peta” 9. Iang Len Sung : “I tap thawm ah” 10. Melody for Christ : “Khawvel hreawm i tan min ti” hna hi an si.”Hi dirhmun ka phaknak hi Pathian le mizapi dirkamhnak thawng in a si ca ah, a sunglawi tuk. Nan cung ah kaa lawm tuk” tiin The Hakha Post ah a chim.
Leeng Iang Len Sung hi, Thantlang peng Tlanglo khua mi Pu Biak Lawm fanu a si. Hakha a ule sin ah khua a sa mi a si tiah kan theih.
Photo/ The Hakha Post
