Thantlang peng Sialam khua ah MPT Company nih phone Tower tung a bunh ve cang lai tiah thawng kan theih. Sialam khua ah phone tung bunhnak ding hi a hlan deuh zong ah an rak zoh bal cang nain pehzulh ngaingai a rak um lo.
Asinain “2018 kum ah cun Sialam khualu tlang ah bunh ding in timhtuahnak an ngei,” tiah khuami Pu Khen Khuai nih The Hakha Post ah a chim.
Sialam khua cu Mizo ram he a ramri mi Bawinu va pawng um mi khua a si. Khua pawngkam hna zong ah MPT phone chawnh khawh an rak si lo. Hi thawng an theih tik ah khuami he khua chingchan he an i lawm tuk tiah theih a si.
