Thantlang Peng khuate thanchonak ca ah Chin Ramkulh Cozah nih tangka sing 3500 a bawmh hna, bawmh mi tangka peknak cu January 28, Thantlang Town Hall ah an tuah.
Hi bawmh mi tangka peknak hmun ah Chin Ramkulh Chief Minister Pu Salai Lian Luai, Chin Ramkhulh Hluttaw Chairman Pu Zo Bawi, Lamsuul lei Minister Pu Sui Thio le Chin Ramkulh Upadi Sonny Thang Cung hna an i tel. Cun, Thantlang Peng khuate khuabawi cheukhat le khua aiawhtu hna zong an i tel kho, tiah kan theih.
“Thantlang Peng khuate 87 chung in 52 hi bawmh rih lo mi an si. Bawmh rih lo mi khua hna cu 2019 kum ah bawmh than an si te lai,” tiah Pu Zo Bawi nih mizapi he an i tonnak hmun ah a chim.
Bawmhnak tangka pek cang mi khua hna cu; Tlangkhua, Tikhuangtum, Lungzarh, Sihcaang, Vanzang, Farrawn, Lungler, Thangzang, Fungkah, Buangtlang B, Thau B, Hriangkhan, Thlualam, Vambai, Salen, Tikir A, Tikir B, Hmawngtlang, Leitak B, Congthia, Phaikhua, Tisen B, Fanthen, Lungcawipi B, Khuabung B, Hlamphei, Zeiphei A, Zephei B, Vuangtu, Tluangram A, Tluangram Sacek, Hriphi B, Zabung, Tlangrua A, le Tlangrua B pawl an si, tiah kan theih.
