Thantlang Peng Hmunlipi khua ah Inn kanghnak a tong mi chungkhar 3 hna cu USA um mi US Vailamtlang Fellowship nih Kyats sing 100 an bawmh hna lai tiah June 19 ah theih a si.
“Kan khua Hmunlipi chungkhar 3 innkangh a tong mi hna hi, nihin tiang umnak inn ngei kho loin rualchan sin ah khua an sa. Hi lio caan ah ramleng um US Vailamtlang Fellowship nih hi bantuk in khurkhua an hun ruah mi cung ah kan i lawm tuk hringhran” tiah Hmunlipi khua upa pakhat nih The Hakha Post ah a chim.
Hmunlipi khua ah inn 3 a kangh hi kan hnung 2019 May 8 zaan tim ah a si. Thilri zeihmanh chuah manh loin a ciam dih. ###
