Nizaan October 22 ah a cangmi Thantlang khuachung kahdohnak ah SAC ralkap pawl hmun an khuarnak palek sakhaan chung tiang Chinland cozah ralkap nih an luh hnawh hna, tiah thawng kan theih.
October 22 zinglei khuadei hlan in Thantlang palek sakhaan cu Chinland cozah ralkap nih doh hram an thawk i, chun hrawng ah palek sakhaan chung tiang an luh hnawh khawh hna.
SAC ralkap lei in Fighter Jet nih zinglei le zaanlei ah tiin kah a rak bawmh hna hi a tlawm bik bomb voi 6 a thlak.
Palek sakhaan chung tiang Chinland cozah ralkap pawl an lut kho nain thil sining ruang ah hnu ah an pil ṭhan.
Thantlang Palek sakhaan kahdohnak ah Chinland cozah ralkap lei in a thimi le hliam pumi an um bantuk in SAC ralkap lei zong in a thimi le hliamhma a pumi an tam, tiah theih a si.
