Thantlang mino nih Paletwa kahdohnak ruang ah hartong mi sianghngakchia le vitamin a bau mi hngakchia hna ca ah bawmhnak an pek tiah July 3 ah kan theih.
Hi kong he pehtlai in Thantlang mino chungter Tluang Tha Bawi nih, “Thantlang siibawipa a pa Pu Phun Bawi te kha Sami khua ah an va kal. Ngakchia an hmuh hna tik ah an der thawm, vitamin an bau a hmuh hna i hi Thantlang mino zong nih thla khat thla hnih chung an ei ding mi vitamin tal kan bawmh ve ko hna lai tiah bia an kan ruah i kanmah zong nih kan lung a tling. Thantlang chungkhar dihlak ah June 8 in chungkhar kip ah anmah le an siantawk cio in kan kholh hna,” tiah The Hakha Post ah a chim.
“Bawmhnak kan hal mi chung in tangka Ks.3,159,500 a chuak. A chuak mi Center Committee for Chin IDP help sin ah kan ap dih cang. Anmah nih a buu in an va bawmh te hna lai. Paletwa raalzam ngakchia hna sin ah Thantlang mino min in bawmhnak kan pek mi hi a voi khatnak a si. A dang biaknak lei in bawmhnak cu a um ngai ko,” tiah Tluang Tha Bawi nih a chimchap.
