Thantlang khuachung hi a muisam aa dawhlo tuk, tharchuah le sersiam than a herh, tiah Thantlang Peng Sipin Lutlai Pu Van Za Uk nih June 18 ah a chim.
“Paletwa ah caan zeimawzat ka um. A si khawh chung in kan remh i sifak bik Peng an si nain an khuachung cu Thantlang nih kan tluk ti hna lo. Lam kiken, lam kil le a fonghlei mi zong kan riam dih khuachung aa dawh tuk cang. Thantlang zong hi a thar bak in kan remh lai. Lutihor, hmunthur hlonhnak tibantuk zong zohdawh tein kan tuah lai. Minung le innlo lei cun kan thangcho ngaingai nain khuadawh ti awk a tha rih lo,” tiah Pu Van Za Uk nih The Hakha Post ah a chim.
NLD Cozah nih Thantlang khua cu Chin Ramkulh khuapi hna lak ah ‘A thianghlim bik khua’ tiin minthatnak a rak pek mi a si nain atu ahcun a mui a chia i tharchuah le sersiam than ding in Peng Sipin Zung nih a timhtuah cuahmah. ###
