Nihin October 22, zinglei sml. 3:00 hrawng thawk in Thantlang khuachung i SAC ralkap hmunkhuarnak palek sakhaan cu Chinland cozah ralkap hna nih an doh i kahdohnak a faak ngaingai, tiah thawng kant theih.
CNF/CNA chimnak nawlngei Salai Htet Ni nih, “Thantlang khuachung ah kahdohnak a fak ngai. Atu tiang i kahnak a dai rih lo…palek sakhaan ah an i kap,” tiah Khonumthung ah a chim.
Nihin Thantlang kahdohnak ah SAC nih Fighter Jet zong in Thantlang SAC ralkap pawl cu kah a bawmh hna i chun sml. 12:00 tiang zong ah kahdohnak a dai rih lo.
Thantlang he meng 7 a hlatnak Auto tlang tiang a phanmi SAC ralkap pawl zong Chinland cozah ralkap nih a kiangkap in an kham hna i kahdohnak pehtlai in a um, tiah thawng kan theih.
