Thantlang kahdohnak ah SAC nih Fighter Jet lawng si loin ngiathlaitu le thilphortu ah SAC nih a hmanmi Y-12 vanlawng zong in voi 60 leng bomb a thlak, tiah thawng kan theih.
Chinland cozah nih a kalpimi Thantlang khua laaknak Tilim Operation 4 cu pehzulh cuahmah a si i, October 1 in 4 tiang zong ah Thantlang ah kahdohnak pehtlai in a faak.
October 4 zinglei suimilam paruk hrawng in Thantlang khua i SAC ralkap hmunkhuarnak kip cu Chinland cozah ralkap hna nih an luh hnawh i, chunnitlak kahdohnak a faak ngaingai.
Cu kahdohnak ah cun SAC nih Fighter Jet pahnih in bomb a thlak lawng si loin Y-12 vanlawng zong in voi 62 bomb a thlak.
Kap hnih i kahdohnak ah SAC ralkap lei in hliampu le a thimi an tam tiah theih a si i, Chinland cozah ralkap lei zong in nunnak a pemi le hliamhma a pumi an um ve, tiah theih a si.
