2020 October 29 ni Thantlang khuapi ah Hakha University Students Union (HUSU) nih sianginn Capel Hall saknak caah bawmhhalnak catlap an phawt hna tiah kan theih.
HUSU President Salai Van Za Tei nih, “Hakha University Capel Hall saknak ding ca Thantlang ah bawmhhalnak ngei ding kan si i Thantlang um Hakha University Sianghleirun pawl he khuachung ah bawmhhalnak catlap kan phawt hna. October 29 ah bawmhhalnak catlap kan phawt hna i October 31 in November 3 tiang tangka in bawmhhalnak kan ngei lai. HUSU hruainak in Hakha University Capel Hall saknak ca ah Hakha le Falam ah bawmhhalnak kan rak ngei cang i a tu Thantlang hi a voi thumnak a si. Sianghleirun cu nu le pa nih zoh chom mi kan si caah Thantlang khua nu khua pa hna tanpinak tampi kan herh. Kut kan in dawh ko hna. Pathian rian tuannak caah tiin thazaang ra kan suah piak hram u tiah nawl kan duh chap hna,” tiah Tha Hakha Post ah a chim.
Hakha University Capel Hall hi February thla dih ding in sak cuahmah a si i saknak ding budget acozah nih suai piak a si lo ca ah Sianghleirun pawl nih thazaang chuah in bawmhhalnak an ngeih hi a si tiah kan theih.
