Tedim peng chung i dohthlengtu hriamtlai bu pakhat a simi People Defense Army (PDA-Tedim) nih Tedim Township Council a dirh i, raldohnak lei ah Chinland Council he pehtlai in rian kan ṭuan lai, tiah theihternak a tuah.
PDA-Tedim nih September 23-28 tiang tonpumhnak a tuah i, Tedim peng hmun kip in palai 112 an kai hna.
Cu tonpumhnak ah cun raldohnak lei ah Chinland Council he pehtlai in rian ṭuan ṭi ding in hnatlaknak an ngei i, Tedim peng chung ukhruainak lei ah ṭuanvo a latu ding Tedim Township Council zong an dirh khawh hi a si.
PDA-Tedim cu Chinram chung ralram hmun kip ah Chinland cozah ralkap bu hna he pehtlai in ral a do cuahmahmi a si, tiah thawng kan theih.
