Tedim, Tonzang le Paletwa Peng chung, 2022 kum ah Ma-har-dat-ar Electric Line an ngah cang lai tiah Chin Ramkulh, Sipin Minister Pu Soe Htet sin in thawng kan theih.
Sipin Minister Pu Soe Htet nih,
Tedim, Tonzang le Paletwa Peng chung hi kum 2022 chung ah ma-har-dat-ar line an ngah cang lai. Hi line an ngah nakding ca ah Japan bawmhnak in tuan a si lai. A herh mi sachoh le a dangdang zong tuah dih a si cang. Riantuannak ah a tlamtlin khawh nakhnga thiamsang pawl nih zohfelnak an tuah lai i, an tuah dih hnu ah tender zong kan tuah lai. 2021 kum tal ahhin cun riantuan hram domh a si lai i, 2022 kum chung ahcun hman khawh ding in kan i zuam lai, tiah The Hakha Post ah a chim.
MY-P30 in tuah ding mi Kalay-Taingen-Tedim hi 66KV Double Circuit line meng 32 tuah nakding ca ah 66KV Tower le a herh mi thilri cawk nakding ca ah tender cu an auh cang tiah thawng kan theih.
Atu Chin Ramkulh chung ah ma-har-dat-ar Line a ngah rih lomi peng hna ca ah ti in laak mi Electric hi an hman cio hna. Ma-har-dat-ar Line Chin Ramkulh chung ah a ngah cang mi hna hi Hakha, Falam, Thantlang, Khaikam, Mindat, Kanpetlet le Matupi hna an si.
