Myanmar ramchung COVID-19 minung 337 hna lak ah minung 318nak,Tedim sii-inn ah chiah mi kum 6 ngakchia te cu sii-inn a phak hnu ah Chin Ramkulh Social Affairs Miniser Pu Pau Lun Min Thang nih sii-inn ah kal in a va veh tiah thawng kan theih.
Hi kong he pehtlai in Tedim sii-inn ah sister a tuan mi sister Pi Zaam Cing nih, “Amah mipum rak i langh in mizaw le a nu sin ah thazaang peknak a ngei. Cun, Tedim sii-inn ah chiah mi COVID-19 hna a zohkhenhtu sii-bawite le sii sayama te zong thazaang peknak a ngei,” tiah The Hakha Post ah a chim.
Hi a va vehnak ah Minister Pu Pau Lun Min Thang nih mizaw sin ah le sii-inn lei rian ngei hna sin ah bawmhnak le thilri pawl a pek hna tiah kan theih.
Case No.318 hi India ram in a rak tlung mi Tonzang Peng, Hai Cin khuami a si i, Facility Quarantine ah chiahmi a si tiah kan theih.
