May 27 Tedim khua chung kahdohnak ruang ah khua chuah taak in a zaam mi Tedim khuami tam deuh cu khua ah an kir ṭhan cang i sianginn zong an hon cang tiah kan theih.
Tedim khua No. 1 taang hra sianginn cu July 1 in hon hram an thawk i, a ni khatnak ah siangngakchia 200 leng nih sianginn kai ding in min an pek tiah theih a si.
“No. 1 taang hra Sianginn cu an hon cang nain sianginn aa ap mi cohlan lawng a si rih. Ca tu cu an cawng rih lo. Sianginn dang zong a ruah hlan ah hon ve dawh an si,” tiah khuami pakhat nih a chim.
Taingen lam hon a si hnu in Kalay lei ah a zaam mi khuami hna nih khua an hun panh ṭhan cang. Inn a kaang mi hna le mi cheukhat ti lo cu an kir dih ngawt cang i biakinn cheukhat zong ah an i pum kho cang tiah theih a si.
Photo credit : Zam Ngo Kim
