Kum dang nakin atu kum 2024 chung ah Tedim peng le Tonzaang peng chung ah rithaisi bing cinnak a karh, tiah tualchungmi nih an chim.
Tualchungmi pakhat nih, “Ahlan ah khan cun acozah nih a phak lonak lamhlapi lawng ah bing cinnak hi tuah a rak si tawn. Asinain, atu ah cun tangka a ngeimi poh nih minung le vawleihmun an i hlan i a tlawm bik acre pahnih tluk kau in bing an cin hna,” tiah Chin World ah a chim.
Acer 2 tluk kau an an cinmi bing hi a vui a ṭhat ahcun bing cuai 2 fai tiang a chuak kho tiah an ti i, bing cuai khat ah Kyat ting 100 hrawng an hmu tawn.
Atu bantuk in Tedim peng le Tonzaang peng chung ah bing cinnak a karh ngaingai nain SAC le Dohthlengtu bu hna lei nih dantatnak an tuahmi a um rih lo, tiah tualchungmi nih an chim.
