Tedim peng ah Jeep mawtaw pakhat lamthlang ah a tlak caah tualchungmi pahnih an thi i a dang pakhat hliamhma a pu tiah theih a si.
February 1 ah Tedim khua lei ah a panh mi Jeep mawtaw cu zaan sml. 7:30 hrawng ah Tuithang khua le Manipur tiva karlak ah atu bantuk in accident a ton hi a si.
Tualchungmi pakhat nih, “Mawtaw cung ah hin minung pathum an i cit. Zaan sml. 7:00 hrawng ah Tuithang khua in an i thawh i lamthlang ah a tlak hi a si. Aa choklet mi an um lo caah accident an ton hi a thaizing zinglei sml. 10:00 hrawng lawng ah kan theih,” tiah Chin World ah a chim.
Minung pahnih hi accident an tonnak hmun ah an thi i, hliamhma a pu mi pakhat hi ZYA Tuithang nih Tedim sizung ah an kalpi, tiah theih a si.
