Tedim khua chung inn le dawr khan bauh in thil a fir mi cu rammi palek le Zapi Ukhruainak Bu nih kan in hlat hna lai i, upadi ning in hremnak kan in pek hna lai tiah Tedim Peng Zapi Ukhruainak Bu nih nihin ah a thanh.
Chin Unau Phu chungtel a si mi PDF Zoland le CNDF nih May 26 zan thawk in Tedim khua SAC ralkap pawl an kah hna i SAC ralkap le palek hmunkhuarnak Nah Tah Lah Zung le Micro Wave Sakhan an rak laak.
SAC nih Tedim khua chung ah vanlawng in bomb a thlak leng ah SAC ralkap nih khua chung inn pawl an khangh caah inn 30 fai a ciam tiah kan theih.
Cu bantuk in Tedim khuachung kahdohnak ruang ah Tedim khua mi hna cu inn le lo chuah taak in Kalay lei ah siseh khuate lei ah siseh an zaam.
May 28 ni thawk cun Tedim khua chung ah kahdohnak a dai cang tiah theih a si.
