Nihin May 27 zinglei thawk in kahdohnak a fahnak Tedim khuapi chung ah inn tampi an kaang cuahmah, tiah theih a si.
Nihin zinglei sml. 4:30 hrawng ah Chin Unau Phu hna nih Tedim khua laak kahdohnak an thawk i, atu tiang ah cun SAC ralkap le palik hmunkhuarnak pakhat an laak khawh.
“Tedim khuachung i SAC ralkap sakhan pakhat a si mi Microwave sakhaan cu kan laak cang. Cu sakhaan ah cun palek 4 an thi i, a dang 9 kan tlaih hna. Sakhaan in a zaam mi pawl cu palik sakhaan le ralkap sakhaan (Tat-Kung) ah an vung i fonh” tiah Chin Unau Phu i tuanvo ngeitu pakhat nih a chim.
SAC lei nih hriampi le vanlawng in faakpi in kahdohnak a tuah ve i, nihin zaanlei ah khan vanlawng in bomb a thlak ruang ah Tedim khuachung, Myoma sang ah inn tampi an kaang, tiah theih a si.
