Nizaan May 27 zinglei in aa thawk mi Tedim khuachung kahdohnak cu nihin May 28 ah cun a hun dai rih, tiah BBC nih a langhter.
Kap hnih kahdohnak a chuah lio ah Tedim khuachung sang pathum ah innkanghnak a chuak i, nihin May 28 zinglei tiang mei a mit lo tiang a langhter chap.
Tedim khuachung sang pathum meikanghnak ah hin inn zeizah ngaingai dah a kangh cang ti mi fiang in theih a si rih lo.
Nizaan kahdohnak ah khan Chin Unau Phu nih SAC ralkap hmunkhuarnak Micro le Na-Ta-La an laak khawh i, SAC ralkap 9 zong an nung in an tlaih hna.
Nihin May 28, atu caan tiang ah cun kap hnih kahdohnak a dai rih, tiah thawng kan theih.
