Chinram, Tedim khua ah SAC ralhraang nih Kum Thar lawksawng kan in pek hna ti in zapi lemsoinak an tuah i Zomi Revolutionary Army – ZRA nih runvennak an tuahpiak hna tiah Zoland Voice TV nih a tial.
December 29 ah SAC nih Tedim Sii-inn le khuachung hmun cheukhat ah Kum Thar laksawng kan in pek hna an ti i, Kyats thong 20 pek in mizapi lemsoinak an tuah tiah an tial.
Cu bantuk in SAC an cawlcanghnak lam Pengkomh Zung pawng le Mei That Zung lampial ah ZRA nih runvennak an tuahpiak hna tiah Zoland Voice TV nih cun a langhter.
A luancia December thla ni 3, Tonzang khua zong ah SAC nih Sweet December pumpululh chuih zuamnak a rak tuah i SAC ralkap, palek le ZRA i bawm in runvennak an rak tuah bal cang tiah kan theih.
Hmanthlak: Zoland Voice TV
