Kahdohnak ruang ah a zaam mi Tedim khuami cheukhat cu atu June thla donghlei zarh ah hin an rak kir tthan cang, tiah theih a si.
Chin Brotherhood chungtel PDF-Zoland le CNDF nih May 26 ah khan Tedim khua i SAC ralkap sakhaan an rak kah i khuami dihlak an zaam hna.
Chin Brotherhood nih SAC ralkap hmunkhuarnak palik sakhaan le Na Ta La sianginn an laak khawh nain a dang abiapimi SAC ralkap sakhaan an laak khawh lo caah Tedim khua la thai kho lo in kahdohnak an ngol.
SAC ralkap nih Tedim khua inn 100 hrawng zong an khangh i khuami 10,000 leng ral an zaam hna.
Ral a zaam mi khuami chung in micheukhat cu Tedim ah an kir tthan cang i dawr tete zong on hram an thawk tthan cang, tiah theih a si.
