Tedim khuachung kahdohnak a chuah hnu ah inn bauhnak le thil firnak an karh ngaingai, tiah Tedim mino hruaitu pakhat nih a chim.
“Khuachung kahdohna a dih hnu ah rithaisii a tawngthammi pawl an karh ngaingai. Inn bauhnak le thilri firnak zong a karh,” tiah mino hruaitu pakhat nih Chin World ah a chim.
Tedim khuachung kahdohnak a chuah hlan ah an rak tlaihmi mifir pawl hi rithaisii (Number-4) a tawngthammi deuh an si nain atu ah cun mifr lak ah zuding zong an i tel cang, tiah a chim chap.
Khuachung kahdohnak a dih hnu ah SAC ralkap le palek pawl nih khuachung runvennak ngaingai an tuah khawh ti lo caah fir in aa chokvakmi rithaisii tawngtham pawl an karh, tiah tualchungmi cheukhat nih a chim.
Khuachung kahdohnak a chuah hlan ah khan cun mifir pawl nih mansung thilri deuh an fir nain atu ahcun fir awk a ṭhami poh cu an ngan ti lo, tiah tualchungmi pakhat nih a chim.
“Atulio ah an tonghtham bikmi rithaisii cu Number-4 timi hi a si. Ahlan ah khan cun motorcycle le sui tibantuk deuh an rak fir tawn nain atu cun an hmuhmi poh an fir cang. Battery fa tete tiang in an ngan ti lo. Sang humhimnak ṭuanvo a latu mino pawl nih an tlaihmi mifir pawl hi rithaisii a hmangmi lawngte an si,” tiah a chim.
#TheHakhaPost
