October 12, 2022
October 11 zaan, Tedim khua ah Lah-Wah-Kah Zung riantuan pawl umnak le Tamah Zung a kangh hnu in, BEHS-1 Sianginn ah umhnun a khuar mi ralhraang pawl nih hriam ngan he, hriam hme he zawndamh in an kah caah nu pakhat a nunnak a liam tiah theih a si.
Mei a khangh hnu ah ralhrang pawl nih ningcang lo kah mi hriam ngan nih Tedim in meng thum a hlat nak Liloe khuami nutung pakhat a khen i a nun nak a liam tiah kan theih.
A nunnak a liam mi nu cu kum 32 a si i, fa pali a ngei mi a si.
“Hriam ngan kuan nih a luu ah a tlak. A ihnak i a ih lio ah a khen mi a si. Inn zong tlawmpal a rawk pah” tiah khuami pakhat nih RFA ah a chim.
Tedim khua Lah-Wah-Kah zung, zung riantuan umnak hmun le Tamah zung cu mi zei an si ti hngalh rih lo mi hriam tlai phu pakhat nih an khangh tiah khuami nih an chim.
Photo: CJ
