Sagaing ramṭhen, Taze peng, Kyunlel khuate ah hram a bunh mi Pyusawhtee sakhan cu May 6 zinglei ah PDF nih an laak tiah theih a si.
Kahdohnak ah SAC ralkap le pyusawhtee 14 an thi i, a thi lo mi pawl zong an zaam tiah Sagaing Ramṭhen PDF nih thawng an thanh.
Kahdohnak ah PDF lei nih meithal zun 12, kut cheh bomb, mine bomb le zenthong tampi an laak khawh. PDF lei in pakhat nih ram caah nunnak a pek i pahnih hma an pu tiah kan theih.
Cu kahdohnak cu Taze peng PDF le Shwebo pengkomh B-25 battalion nih an tuah mi a si tiah theih a si.
