Sagaing ramthen, Taza peng, Eaingokka khua Pyo Saw Htee lutlai pa inn ah council ralhraang le Pyo Saw Htee pawl an i but lio June 14 zaan suimilaam 8:00 hrawng ah Taza PDF le tangti phu komh nih an kah hna i 17 nak tlawm lo an thi, hliam tuar tampi an um tiah thawng kan theih.
Pyo Saw Htee Lutlai Sing Cho inn ah Council ralhraang le Pyo Saw Htee 50 hrawng an i ton lio ah Taze PDF (Shwebo pengkomh battalion (6), TPC, Raze Tiger, K.P.K, PRA, TSR, Nine Star le Pa La Pha nih an i ralrin hlan ah hriamngan le hriam hme he an kah hna hi a si.
Kahdohnak ah council ralhraang lei an cei deuh ca ah June 14 zaan suimilaam 9:00 hrawng ah Eaingokka khu lei bawm ding in Taze palek sakhaan in motor ngan a raang mi khat in an ra. Cu lio ah PDF tangti phu komh nih Taze khua chuahka ah bomb an puah hna i motor hnulei a rawk, ralhraang lei thi le hliamtuar an um kho tiah kan theih. Source: Khit Thit Media
