Sagaing ramthen, Taze peng ah February 6 nikhat chung ah kahdohnak voi thum a chuak i ralhraang 12 nak tlawm lo an thih pin ah hma pu tam pi an um tiah Taze PDF sin in theih a si.
Taze khua in Nitlak lei ah raal lamsial in hmai a nor mi ralhraang cu Paykone khua lam then pawng ah Taze PDF Shwe Bo pengkomh battalion-6, battalion-7 Phoenix Taze le battalion 25 TPC nih February 6 zinglei suimilaam 8:30 ah an bawh hna i kahdohnak a chuak. Cu kahdohnak cu minutes 45 tluk a rau i ralhraang 12 nak tlawm lo an thi tiah theih a si.
‘‘Ralhraang le Pyu Saw Htee fonh in hmai a rak nor mi hna cu minung 130 tluk an si. Kahdohnak cu pehtlai in a chuak ko. Atu tiang cu rammi rungvengtu phu lei in hma pu an um lo” tiah Taze PDF pakhat nih a chim. Ref. Khit Thit Media
Hmanthlak: Taze PDF pawl
