AA nih a laak mi Taungshay tlang TOC le Thinkyittaw tlang SAC ralkap camp in hriamnam kuanzen tampi an laak tiah theih a si.
Rakhine ramkulh, Kyauktaw peng, Tinma khau Taungshay tlang TOC (Bioha sakhan) cu a luan cia 2023 December 25 thawk in AA nih kah hram a rak thawk i, January 6, zaan suimilaam 9:00 hrawng ah SAC ralkap 200 leng nih hriam an chiah, tiah Chaklei Unau Thum phu nih an thanh.
Nizan January 7, zanlei sml. 4:00 hrawng ah Rakhine ramkulh, Mrauk U peng, Thinkyittaw tlang SAC camp zong AA nih an laak i hriamnam le kuanzen tampi an laak tiah an langhter.
Tu zarh chung ah SAC ralkap camp biapi a si mi Khamaungwa TOC, Chinletwa TOC le tu tan ah Taungshay TOC cu AA nih a laak cang hna. Chinram, Paletwa khuachung SAC camp biapi hna le Paletwa-Kyauktaw ramri ah a um mi Miwa TOC hna zong laak ding in AA nih a tuk cuahmah hna tiah theih a si.
Photo: AA Info Desk
