Sagaing ramthen, Tamu peng, Homelin lam ah a um mi LIB-309 SAC ralhraang battalion cu December 26 ah PDF le Kuki ralkap nih an kah hna i SAC ralkap panga an thi, pasarih hma an pu, hriamnam zong an laak tiah Tamu pengkomh No. 1 Command nih nihin ah a thanh.
Cu SAC ralhraang pawl cu Battalion Commander changtu Major Win Min Tun nih a hruai hna i pyusawhtee le SNA tel in 35 hrawng an si tiah an tial.
Cu kahdohnak cu Tamu pengkomh PDF battalion le Kuki National Army – Burma i bawm in an tuah mi a si tiah an langhter.
Kahdohnak ah rammi rungvengtu ralkap lei nih SAC hriamnam meithal zun 6, bomb thei 31 le zenthong 2300 leng an laak khawh tiah theih a si.
