Sagaing ramthen, Tamu khua ah Chinmi tel in sualnak ngei lo khuami nu pakhat le pa pahnih cu October 12 ah Pyusawhtee nih an thah hna i an ruak lam kam ah an hlonh hna tiah theih a si.
“Namphalong lei Chaungnatgyi, Myoma-14 sang lonh lamkam ah an ruak an hlonh hna,” tiah khuami pakhat nih an chim.
Pyusawhtee nih thah mi pathum chung in pa pakhat cu Chinmi a si. Tamu peng, Tharyarkone khuami a si i kum 23 a si. A chungkhar nih a rauk an rak vui tiah Burma Human Rights Network nih a langhter.
A dang nu pakhat le pa pakhat tu cu aho an si hngalh a si lo caah October 13 ah Chaungnatgyi sangmi nih an ruak an khangh hna.
Khuami thattu Pyusawhtee pawl cu Tamu khua Pyusawhtee hruaitu Panchi Chan Myae hnuzul pawl an si. Pachi Chan Myae nih minung 100 leng a thah cang hna tiah khuami hna sin in theih a si.
