Tedim peng, Taingen khua ah hmunkhuar ṭhan ding in a ra mi SAC ralkap pawl cu Chinland ralkap phu komh nih kan dawi khawh cang hna tiah CDF CDM Siyin nih nihin ah a thanh.
“Taingen khua ah hmunkhuar ding in a rak phan mi SAC ralkap pawl cu Chinland ralkap phukomh nih pehtlai in kan doh mi hna an celh lo caah 2024 June 26 ah Taingen khua in an zaam i June 27 ah Khaikam khuapi Palek Sakhan an phan,” tiah cathanh ah an langhter.
SAC ralkap nih Taingen khua laak ṭhan ding in an i zuam caah Chinland Cozah kuttang ah a um mi CNA, CDF CDM Siyin, CDF Hualngoram, CDF-Vokok, CDF-KKG, Kalay SR 4 le PDA hna nih pehtlai in an doh hna tiah theih a si.
Chun zaan i din lo in kan miphun le ram ca ah ral a tu mi Chinland Council ralkap dihlak Pathian nih thluachuah in pe hna seh,” ti zong CDF CDM-Siyin nih cathanh ah an langhter.
