TABC ramchung Area kip thawngpang theihtlei

TABC ramchung ah area paruk le Local church pali an um. 2019 February 8-10 ah an BM meeting le Khawmpi an tuah cio hna. Zahnak tlang bel Thangzang ah TABC BM le Khawmpi tuah ding a si ca ah an tuah rih lo. An thawngpang theih herh mi kan hun langhter.

1. Khualhring tlang Baptist Churches (KBC)

Khrihfabu 11, Pastor 11 an um. Tukum Tahtlang khua ah khawmpi le BM meeting an tuah. Khual 100 leeng an tlung, Pastorte thla khat thlahlawh Ks. 205,000 in an khiah. Area Secretary ah Pastor Ceu Tum an thim, kum thum ca in thim a si.

2. Vanzang tlang Kuria (VZTK)

Khrihfabu 5, Pastor 3 an um. Tukum khawmpi cu Vanzang khua ah an tuah. Pastorte thla khat thlahlawh Ks. 220,000 in an khiahpiak hna. Area Secretary ah Pastor Sai Lian Thang an thim.

3. Zahnak tlang Area Baptist Churches (ZABC)

Tu kum TABC khawmpi Thangzang khuathar ah tuah ding a si ca ah BM le Khawmpi an tuah rih lo. Khrihfabu 13,Pastor 12 an um.

4. Vailam tlang Baptist Churches (VBC)

Khrihfabu 8, Pastorte 10 an um. Tukum khawmpi Thlualam khua ah an tuah. Khual 150 hrawng an tlung. Pastorte thlahlawh thla khat Ks. 230,000 in an khiahpiak hna. Area Secretary ah Pastor Biak Cin Sang an thim. Tukum ah Tlangrua B Baptist Church, Hriphi Area in an chuak i Vailam tlang an hung luh ca ah Khrihfabu le Pastorte an karhnak a si.

5. Bualpeng Baptist Churches (BBC)

Khrihfabu 9, Pastor 11, an um. Tukum Khawmpi Tikir A khua ah an tuah. Khual 171 an tlung. Pastorte thla khat thlahlawh Ks. 160,000 in an khiahpiak hna. Area Secretary ah Rev. KL Tial Hre Ling an thim.

6. Hriphi Area Baptist Churches (HABC)

Khrihfabu 5 an rak um nain tukum an BM meeting, Tlangrua B khua ah Tlangrua B Tipil Khrihfabu nih an chuahtaak hna, thluachuah zong an pek cang hna  ca ah Khrihfabu 4 an sinak a si. Pastor 9 an um. An khawmpi ah khual 125 hrawng an tlung. Pastorte thla khat thlahlawh Ks. 210,000 in an khiahpiak hna. Area Secretary ah Rev. Vai Mawng an thim.

7. Farrawn Baptist Church (FBC)

Farrawn Local Church ah Pastorte 3 an um. Lutlai Pastor thla khat thlahlawh Ks. 210,000 in an pek.

(By- Parthlaam)

#Photo Credit