Myanmar ram sui market ah sui fang khat tlai cu March 26 zanlei ah Kyats sing 43 tiang a phan tiah ram chung media hna nih an ṭial.
Yangon Sui Chawlet Bu (YGEA) nih cun sui fang khat tlai ah Kyats sing 38 deng (3,798,900) lawng in nan zuar lai tiah March 16 ah nawl peknak ca a rak chuah.
“March 26 zanlei tiang ah sui fangkhat tlai cu Kyats 4,320,000 a phan. Nihin sui man taktak le YGEA nih a khiah mi sui man cu sing 5 le thong 20 leng in aa thlau,” tiah sui chawlet pakhat nih RFA ah a chim.
Ralkap nih nawlngeihnak hramhram in an laak hnu ah Myanmar tangka man faak tuk in a tla i sui fangkhat tlai ah Kyats sing 43 tiang a man a kai. Sui man Sing 43 a phanh hi a voi khatnak a si tiah theih a si.
Photo: Social Media chung in laak mi a si.
