Student’s Revolutionary Force (SRF) nih Minkin peng ah Pyu Saw Htee khua a si mi Ingyintaung khuate cu 2023 June 8, zinglei 4:30 ah an luh hnawh i Pyu Saw Htee pathum an thi, a nung in pali an tlaih hna leng ah hriamnam zong an laak khawh tiah June 12 ah an thanh.
Pyu Saw Htee pawl he suimilaam 2 le minute 19 chung an i kap. An i kah in suimilaam pakhat le a cheu a rauh hrawng ah Pyu Saw Htee pawl an zaam i a taang mi chung in pathum an thi, pali a nung in an tlaih hna tiah cathanh ah an langhter.
Kahdohnak ah SRF nih Pyu Saw Htee meithal zun 6 le zenthong 177 an laak khawh tiah theih a si.
