SAC ralkap Division-44 tang ah a um mi LIB-9 in ralkap pakhat cu 338 Sniper meithal zun khat he a rak i fonh caah Cobra Column hruaitu Bo Ta Baw nih Thai tangka sing khat (Myanmar Kyats sing 100 tluk) laksawng a pek tiah KNU nih a thanh.
SAC LIB-9 ralkap Saw Thet Naing Tun, kum 33 cu September 8 ah hriamnam kuanzen hna he KNLA ralkap phu komh sin ah a rak i fon tiah an langhter.
Nawlngeihnak chuttu SAC uknak le rialdihnak ka duh lo caah dohthlennak a dih tiang KNLA sinah i kop in ka doh lai tiah ralkap Saw Thet Naing Tun nih a chim ti zong an telh.
Cu ralkap pa nih cun 338 sniper meithal zun khat le 338 zenthong 50 a rak i ken. Hi hlan ah hriamngan siseh, meithal siseh, i put in KNLA sin a rak zaam mi SAC ralkap an um tawn nain sniper a rak i put hi a voi khatnak a si. Meithal he a rak zaam mi cu tangka Kyats sing 50 tluk KNLA nih an pek tawn hna nain tu tan hi sniper meithal he a rak zaam mi a si caah KNLA nih Kyats sing 100 tluk an pek tiah theih a si.
Photo: KNU (Sniper meithal he a rak i fon mi SAC ralkap Bo Ta Baw nih laksawng tangka a pek lio a si.)
