Shan Nationalities Democratic Party (SNDP) mee pek sawmnak tuahnak ah thazaang chuah in a dirpitu hna Pu Sai Aung Win cu November 4, zaanlei suimilam 6:00 hrawng ah meithal zuun 3 in kah a tong i, hliamhma a tuar, tiah SNDP rian ngei pakhat sin in theih a si.
Inn hmai lam ah lam a leeng ko mi Pu Sai Aung Win cu mi zei a si ti theih lo mi, angki raang zawng aa hruk i, lukhuh aa khuhmi pakhat nih meithal zuun 3 in a kah hnu ah a zaam tak tiah theih a si. Cuti kah a tong mi pu Sai Aung Win cu sii-inn ah tlikpi a si i, thlopbulnak tuah a si. A nunnak caah cun thinphan awk a um lo ,tiah theih a si.
Pu Sai Aung Win cu tulio (UP) ah lutlai rian a tuan lio mi a si i, 2015 kum ah khan Shan Nationalities League for Democracy (SNLD) party in a chuak mi a rak si. 2015 kum zong ah khan mi zei ti theih lo mi pakhat nih kutken bomb in rak cheh a tong bal i, bomh puah hma a rak ing bal mi a si tiah theih a si. (Ref: DVB)
