Sipin nih Hakha Pyidawtha Sang thilpuan hruk-aih a zuar mi dawr cheukhat dan an kan tat tiah dawr ngeitu cheukhat hna sin in August 14 ah kan theih.
Hakha Pyidawtha min tial duh lo dawr ngei cheukhat hna nih, “Sipin le Ngandamnak lei i bawm in an kan chek. Mask zong kan i huh ko, hri zong kan zam ko, hand-gel le mask zong inn chung ah kan chiah kan ti ko hna nain dan an ka tat thiamthiam. Cheukhat cu mask aa hup lo mi zong an um ko, dan an tat hna lo. An kan tat mi hi sing khat bak a si. A tam tuk,” tiah The Hakha Post ah an chim.
“Dawr khan pawl hi August 10 ah khan an rak kan chek. Kan min le kan phone number an lak i nithumni ah Sipin Zung ah an kan auh. An kan auh mi dawr ngeitu poh cu dawr pakhat ah sing khat cio an kan tat dih hna,” tiah dawr ngeitu hna nih an chimchap.
Photo/ Hakha IPRD
