Nizan October 8, zanlei suimilaam 2:00 hrawng ah Mizoram, Siaha Distric, Lungbun khua pawng Myanmar ramri ah Siaha Palek le 30th Assam Rifles ralkap nih Joint Operation ngei in hriamnam kuanzen pawl an tlaih tiah Mizoram Palek nih an thanh.
Palek le Assam Rifle ralkap phu komh nih a ho ti hngalh lo mi minung pahnih cu dirter an timh hna. Cu mi pahnih cu an zaam i Kolodyne (Bawinu) tiva raal Myanmar ram ah an zaam, tiah an tial.
A zaam mi pahnih nih bag an zaam taak i cu chung ah cun raal hriamnam pawl cu hmuh le tlaih a si. A minung tu cu tlaih khawh an si lo tiah tiah an langhter.
Hi hriamnam kuanzen pawl kongkau hi palek le Assam Rifles ralkap nih a hlankan in thawng an theih cia mi a sinak zong an langhter.
Hriamnam an tlaih mi hna cu; bomb thluan 100, bomb kep 100, AK 47 zenthong 150, wire (codex) 10 meters le Bettery Cell 10 an si tiah theih a si.
An tlaih mi hriamnam kuanzen pawl cu Siaha Palek Sakhan ah an pek i, a herh ning in pehzulh an timhnak kong Mizoram palek nih an thanh.
